無論《乘勝狙擊》像不像《勝者為王》或《盜海豪情》，經過昨晚第一集播映後，網友已經不再計較，因為看到女主角林夏薇「全祼」演出（其實陳展鵬亦是…...），已經令網民繼續追看下去。昨晚劇情講述林夏薇和展鵬假扮拍賣行職員，盜取秦煌的古幣，秦煌要求兩位先全祼才可以鑑賞古幣，林夏薇接受《香港01》電話訪問表示，第一次看到劇本都感到驚訝，她說：「我第一次睇到個劇本都打咗個突，嚇，咁點拍呢？呢一場係監製自己拍，我哋溝通得好好，呢次真係我最盡底線，以前我kiss戲都係掂下嗰種，咁又唔使同老公備案，因為電視尺度不會好大，因為要大露背啦，所以都想最安全地露，出來效果很好，連服裝間姐姐都讚我這件自製打底勁，我下身就著打底褲囉。」

有網友讚林夏薇鎖骨「靚到殺死人」，亦讚她皮膚白滑，她說：「嘩，佢哋咁留意我反而有啲唔知點喎…哈哈，我就不用減肥，反而要增肥，不過我護膚冇咩秘訣，但我會每朝起身都飲杯鮮榨果汁，呢兩日就飲蘋果加奇異果汁，有時就會飲提子汁。」她和展鵬這場「全祼」戲，令網友瘋狂cap圖，更有人覺得林夏薇像日本漫畫《淚眼煞星》的女主角虎清蘭，不過林夏薇就不懂是誰，她說：「嚇？唔識喎…但靚唔靚女㗎？靚就似邊個都冇所謂啦。」

林夏薇在第一集非常搶鏡，大家亦知道她是林峯堂妹，2011年加入無綫，初時大家都覺得她是靠著哥關係入行，但其實當時她已有豐富演出經驗，2009年在中央戲劇學院表演系畢業，之後再加入香港話劇團當全職演員，演出過《中國皇後號》、《2029.....追殺1989》等，演出經驗不少得過任何大台花旦，不止演得還唱得，2014年在劇集《單戀雙城》唱主題曲《很想討厭你》。當然最令男網友傷心的是2015年和莫贊生結婚，不過她亦愛和陽光玩遊戲，修長身形婚後亦越來越好，成為最美人妻之一。