TVB劇集《超能老豆》播出之後收視平均有28點，不單只收視好，亦引起不少網友討論，但網友討論的不是劇情，而是劇中第二女主角趙希洛Candice（原名趙嘉迪），她在劇中飾演陳智燊老婆兼育有一對仔女，喺劇中母性出曬嚟，賢妻良母形象竟然成網民新一類型慨追捧對象，網友贊她是好老婆「Wifeable」，估唔到演人妻都有market！網民對佢有無限幻想，最多留言慨一句系「如果趙希洛做我老婆唔知點算？」

網友對她無限幻想，不過趙希洛都明白網友意思，她接受訪問時說︰「哈哈！這樣好呀！我以前那些男友，就是看不住，有兩次都被小三撬走。我都不知道自己是否好老婆，但我會好遷就老公，一定會給他很多時間，但亦知道你們男人要有空間。」成為宅男女神，趙希洛對宅男亦好包容，她說︰「宅男？即是馬國明那些？我沒有問題呀！（鍾意看AV？）沒有問題，但不要給我知道就好了，哈哈。」

劇中趙希洛是家庭主婦，現實中，趙希洛被封為繼黃翠如後電視城女筍盤，因為父親在澳洲經營石油生意，母親是著名女演員梁小玲，而趙希洛不單是太子女，本身亦是法律碩士生。

對於被封筍盤，趙希洛就講笑話：「劇中我個角色就系筍盤，我老公陳智燊(Jason)都系，不過俾宋熙年搶咗之嘛，哈哈，其實我有叫Jason介紹細佬俾我識，佢三兄弟好ok㗎，又喺英國讀書，不過Jason唔肯之嘛！其實都想搵真心愛自己慨人，而唔係為錢！」

雖然家境富裕，不過趙希洛在電視城發展並不容易，2007年參選港姐，入五強卻三甲不入，入行之後的她經常被派演癲婆、殺人犯等角色，被網民喻為無線「御用癲婆」。

《心戰》

在《心戰》中，趙希洛飾演魔術師陳豪慨女助手，呢套劇陳豪人格分裂又系殺人犯，仲害死埋趙希洛。雖然癲慨唔系趙希洛，不過就影響佢好深，之後就演過兩套心理變態角色。

2014年喺《八卦神探》入面由男變女、迷戀同性慨李思捷，最後仲捉咗萬綺雯威脅思捷。揭露身份嗰一集，有唔少網民俾佢個兇狠樣嚇親，仲cap圖做萬能key。

2015年《實習天使》客串演出，不過並無欺場，將一位精神病人演到出神入化，又喊又笑控制自如，最終俾網民封做「無線御用癲婆」。

由二打六捱到今次當女二，她說︰「好多謝監製潘嘉德給我機會，今次做第二女主角，好開心；但可能下套又做回後面的布景板，我不是『親生女』，我是明白的，要有這個心理準備，就算真的發生，我都不會介意，再等下個機會吧！這麼多年來聽過無數難聽說話，如『你一世都唔會紅』、『做戲屎』、『唔好嘥時間』、『你樣衰，去整容啦！』，只差『死茄喱啡』這句沒聽過，好彩！聽完是有不開心，不過未想過放棄，因為我好鍾意做戲。」

《超能老豆》

捱了9年才做到女二，但近年陳凱琳、蔡思貝等，一出來就當女主角，趙希洛明白個中道理，她說︰「如果當日我有名次，我都想一出來就當主角啦﹗若果不是，那選來幹嗎？既然我不是有名次，那我的路可能要行多一點，其實我已很好運，有些可能還等著機會，我的機會已比別人多了。

問到趙希洛會否想攞獎，她說：「想就一定想，但對獎都會平常心，始終入行9年，其實仲有好多東西可以學。」同時還表示，「佢哋覺得，演戲又冇錢，又辛苦又要捱更抵夜，但我自己真系有一個夢想，好鍾意演戲，好似千嬅咁得個沖字。」