「喂！你尋晚睇咗律政強人未啊？」

「梗系有睇啦！尋晚講到阿邊個邊個佢……」

最近好多小夥伴都系度追緊呢部TVB部新劇，

唔知你系咪都有睇咧？其實呢部hit劇幾乎可以講，

拯救咗TVB最近低迷嘅收視率。

不老男神方中信同智叔廖啟智嘅首次合作，

就系戲入面大斗演技，

鬥智鬥力令到觀眾睇到入曬神。

女主方面，

就有黃智雯飾演女強人律師方寧，而李佳芯就一改以往「狐狸精」形象，飾演一名黑白分明嘅女律師，

劇集出街後，兩個角色都收穫唔少好評。

但系！

今日要同大家講嘅唔系呢部劇嘅幾位主角，

而系佢，

「pat姐」郭少芸！

今次係劇裡面郭少芸延續咗佢一貫嘅「女強人」風格，雖然個樣有D惡，但依然係精悍能幹，

難怪大家封佢為「TVB御用女惡人」！

大家以前睇過佢演嘅戲都知道，

其實郭少芸入行24年來，

一直都只系做配角！

港姐出身
 

郭少芸中學時代畢業於香港天光道官立英文中學，

由於英文很好，畢業後在律師行給外國人做秘書。1992年，郭少芸系街度被模特公司看中，對方慫恿佢去參選港姐。佢覺得試下都無妨，

於是乎問都冇問屋企人就去咗報名仲入埋圍。

當時郭少芸係咁同老細講嘅：

我要請假兩個月去選美，老闆贊成並願意畀佢停薪留職，臨走前仲同老闆講咗句：I'll be back，

點知一去冇回頭！

可惜郭少芸並冇晉身5強，

當年嘅冠軍系李克勤嘅太太盧淑儀，雖然郭少芸並冇得到任何名銜，

但卻同TVB簽咗約，正式開始接拍劇集。

「惡女」形象

系《真情》裡面飾演刁蠻巴渣嘅「李多欣」。

《大鬧廣昌隆》飾演古美英「殘雞英」，

形象潑辣，令觀眾睇到咬牙切齒，

從此戲路都定位系潑辣惡女嘅角色上。

《楊貴妃》中飾演陰險狡猾嘅武惠妃，

小編我對呢部劇印象非常深刻，每次睇到武惠妃對楊貴妃假言相好，背後又暗中對楊玉環加以陷害，

連阿媽都忍唔住代入劇情鬧佢。

小編我記得細個好鍾意睇《錦繡良緣》，

郭少芸飾演嘴巴不饒人嘅「薛小小」，

當年d師奶都好鍾意睇郭少芸同梅小惠鬥嘴。

郭少芸一度離開TVB從商，

之後回巢系《法證先鋒》強忓嘅女法證Yvonne。

其後郭少芸仲系《沖呀！瘦薪兵團》入面，

因飾演一名職場女魔頭V姐而大獲好評.

雖然郭少芸系咁多部劇入面被定型為惡女人，

不過她自己卻享受在其中，

更同意自己演得好入型入格。

未曾獲獎

2011年，郭少芸參演咗《團圓》，

並憑藉《團圓》入面嘅家庭婦女高慧婷，

獲得「萬千星輝頒獎典禮」最佳女配角提名。

2012年，郭少芸憑藉住《造王者》中慧妃一角，
 

獲得「萬千星輝頒獎典禮」最佳女配角提名。

雖然最後都系冇獲得任何獎項，

可能對於佢自己同埋支持佢嘅觀眾來講系一個遺憾，但系郭少芸嘅演技深受家庭觀眾肯定，

成為大家心目中嘅「最佳女配角」。

凡人難做

2001年，離開TVB嘅郭少芸同姐姐合資，

系香港銅鑼灣開咗間專吃羊肉嘅餐廳，由藝人轉咗餐廳理應可以做下生招牌吸引客人，但系郭少芸就有次接受採訪講到，「記得有日落去做waitress，嗰客一見到我就話：『你個樣好似郭少芸，唔系！你真系郭少芸！』然後佢好驚咁周圍望，原來佢以為電視台玩偷拍！自此我就意識到，我落樓面會太張揚，

會搞到客人唔自在。」

「呢四年真系好痛苦！根本無人當我系普通人，

令我被隔絕，令我好孤單。例如我同班同事去食飯，點知個侍應搵我簽名後，我嗰同事就話：『點解我又系食雞髀飯，你又系食雞髀飯，你嘅碟仲大D！』從同事的眼神、語氣，我感受到佢哋好怕我，

怕我為佢哋惹來麻煩。」

就咁隱姓埋名過咗四年苦日子，

郭少芸明白到「凡人難做」，亦發覺其實自己始終都系鍾意演戲，

所以趁餐廳租約期滿，郭少芸決定做翻藝人。

回巢復出
 

講到當年重新復出郭少芸表示，

「無乜！總之有路就走，

人生總有高低，珍惜現在最緊要。」

2016年，郭少芸參與拍攝劇集《廉政行動2016》 。

之後又同黎耀祥、毛舜筠、陳國邦等合作，

拍攝TVB時裝處境喜劇《愛回家之八時入席》，

飾演精明幹練的雲飛飛。

而家每晚嘅TVB都可以見到呢個萬年女配角嘅身影了，

就算冇得到一個獎，但系都唔可以否認，

呢d先系而家TVB最需要救火嘅老戲骨。

情路坎坷

有一段情系拍真情時搭上有婦之夫劉少君。

「當年細路女，投入咗角色後唔識走翻出來。依家唔同啦，拍《拳王》時我都好愛黃德斌，但之後識走翻出來。今日再問我，

任何一個有老婆嘅行埋來，我都會叫佢翻屋企瞓。」

為咗事業，郭少芸甚至係失去咗一份愛情，

咁多年來，她承認過嘅男朋友只有TVB編導鍾國強。99年鍾國強遇上交通意外曾一度昏迷，當時郭少芸每日到醫院探病，兩人順理成章成為戀人。但後來因工作壓力問題，爭吵越來越多，最終同鍾國強分手收場。分手後少芸依然對前男友讚不絕口，

表示好難再遇到一個咁好嘅男人

郭少芸可謂戲內戲外都系一個典型嘅女強人，而且小編覺得，一個所謂嘅獎對郭少芸來講已經唔重要啦，佢入行廿載所經歷嘅豈能用一個獎就可以概括到？希望以後仲可以睇多d佢拍嘅戲啦！