女事主跟這男人交友App認識，在甜言蜜語發展感情後才知道對方已婚。事主幾次提出分手但他卻多不停挽留因「絕對不能失去你」並答應會離婚。雖然知道賤男曾被老婆多次發現，他都叫事主忍耐，他會處理，最後也沒事！最後一次他老婆又再發現老公親咀的相片後，要離開家了...於是賤男就馬上跟事主說分手並以後不要再見，還把事主電話封鎖，到最後電話也換了。說好了，一定不會離開，一定不會分開，一定會離婚，隻是拖延時間伎倆...

以下係事主與網友對答

已下係詳細講述過去1年賤男點呃呃哄哄...(耐心閱讀)  

傻女學人玩交友App識佐呢個男人Download左個遇見交友App後就寫資料，上傳個人資料相啦！呢個App可以睇到附近嘅人，亦有附近嘅group，資料update後好多男士打招呼say Hi，初頭我都會禮貌上回應你好，但原來呢d人好不知所謂嘅，可以講係狗公！咁我加入兩個group，多數會係group吹水閒談下，發覺上呢個app嘅人一係因爲悶，一係就上嚟揾食！我從來唔會主動同人打招呼，人地打招呼我都無回應的。大概玩左一個月度，係呢個時候同BB飛佐轉日本，我有post動態的習慣，同大家分享下日常，呢個時候我察覺到d嘢，留意到有一個黑媽媽嘅icon幾乎每日都like過我嘅post，任何post都like，引起左我嘅注意！日本之旅結束後，仍然有分享BB嘅生活動態，而嗰個黑媽媽嘅icon一如既往的like，於是我就重溫下自己所發嘅動態，發現嗰個人每個post都like，足足like左成個月，呢個時候我就好奇心起，點入去望下佢資料，icon相無吸引力，但其他相就令我想認識佢，想同佢做朋友，因爲佢有我偶像小豬嘅影子，於是，我主動向佢打招呼！佢係我玩呢個app第一個主動打招呼嘅人，好奇地多謝佢咁支持我嘅每個post，傾左大半日，感覺到佢都係個健談嘅人嚟嘅，後嚟佢就主動問我可唔可以係wechat傾，我話ok呀！之後，我哋就一直都係wechat傾計，而遇見就變得少左上了！就咁樣，開始行左條一錯難回頭的路了。。。

賤男 

PART 2

 PART 3#傻女被攻陷了，此情一錯難回頭丫，唉

各種的關懷到位，奈何傻女又係個缺乏關愛嘅人，呢d感覺，真係好令人心動，難以抽身，或者係愛情啱萌芽，陳生亦開始向傻女報告行蹤了！所以。。。傻女真係陷入深淵了！

PART 4#傻女中毒已深。。。          相約見面，睇戲，初見一d都唔陌生，好熟悉，好有親切感！      之後就好似普通情侶咁一個星期拍拖一到兩日，睇戲，唱k，食飯！陳生做得好好，每日必定打5-6個電話俾傻女，翻工放工都會同傻女講住電話，每日如是！      有時傻女會覺得自己好衰，好撲街，做第三者！但有時傻女又諗到衹要唔破壞佢家庭，唔影響佢現有穩定生活，咁咪無問題囉！嗰陣嘅傻女真係俾愛情衝昏左頭腦，因爲佢填補到缺乏嘅關愛同疼愛，令傻女抽離唔到，傻女係個好無安全感嘅人，而佢正正俾到傻女缺失嘅感覺，真係錯到落深淵了！      佢同傻女講，佢好愛傻女，唔可以無左傻女，甚至話離婚同傻女走，但講完之後係無實行嘅！但傻女依然相信。。。當傻女工作上遇到問題同困難時，陳生都會主動提出幫助傻女，亦同傻女分析對與錯。。。陳生的確幫佐傻女唔少的，傻女好感恩好感動認識到個如此待佢好嘅男人！

剛開始時傻女都好遷就佢，從來唔會對佢同老婆去邊而呷醋嬲佢嗰啲，當交往時間耐左，傻女就越愛佢，開始霸道開始小氣！有時傻女有頂唔順嘅時候，提出過幾次分手，但每一次佢都係不停地求傻女唔好離開佢，話無左傻女，佢會死！一日兩日不停地打電話，不停留口訊，傻女承認係好愛佢，亦都係口硬心軟，見到佢咁，傻女又繼續同佢一齊，傻女清楚明白係好唔應該，當時嘅傻女因爲愛而捨不得！         同佢一齊有開心有爭吵，有幾次鬧交傻女亦情緒失控傷害佐自己，佢亦因爲傻女，傷害佐自己，呢段感情感覺越嚟越難行，我有諗過不如放低，算啦！但自己好似中左毒咁，而且時常諗翻佢講嗰句感情無分對錯，衹有愛與不愛，因爲愛，我堅定地又繼續！      傻女同陳生嘅繫唔嘈交時真係好恩愛的，傻女爲陳生花了不少的心思，令朋友圈嘅人都好羨慕，但心裡面嘅難受衹係無人知嘖！

我哋大家都少左玩遇見，甚至無上添，咁佢就話download翻個遇見入去送曬d送物俾我，於是我就話信你唔過，要求佢將遇見acc俾我，當然佢梗係有俾啦！當我登入佢acc後第一個反應就係o曬嘴！佢follows嘅人數居然多到成700人，而且全部都係女，上至40幾歲都有，而且玩喇見已經三年幾喇，真係大嚇一驚！我問佢點解昅咁多女，佢話唔知自己follows佐咁多，當時係咁follows人係為左升級，ok啦佢咁講就相信佢啦，隔左幾日，有條女pm佢，當然係我睇左啦，問佢喺咪已經有女友，我轉述翻俾佢聽，佢就話上翻遇見睇條女乜料！之後佢話條女問佢挪wechat，點知佢真係俾條女，後嚟有冇add佢我就唔知喇！但過左幾日，條女無拉拉偷左我同陳生嘅相post左動態，仲鬧我哋係撲街，再轉述俾陳生聽，陳生話可能因為無add佢，而你又搶佐佢男神，就發神經，叫我咪理佢，條女咁做係引佢add wechat喎，呢件事就咁過去，我亦都delete左遇見唔再玩。。。。

PART 5同陳生一齊10個月時，我家人提出想見下個男朋友，食餐飯了解下佢係咩人！聽到呢度我當堂傻曬，身體疆硬，彪曬冷汗，手騰腳震咁，唔識俾反應！隔左幾分鐘，我冷靜下自己，就對父母講:先唔好咁快講見面食飯先，俾d空間我自己去發展！爸爸就話唔帶翻嚟俾我哋見又點知佢好唔好！因為我心虛，有乜可能帶佢見父母喎！唔通話佢哋知佢哋個女做緊人哋小三咩，實傷心死佢哋啦！我又話喇，俾空間我啦，唔好逼我，我唔想諗結婚嗰d嘢，淨係想簡單拍下拖先！父母一聽到咁又同我嘈，我知佢哋係為我好，但偏偏我又令佢哋失望 ! 事隔幾日我以為唔提就無下文，就唔會再逼我，點知媽媽就對我講，你一係就帶男朋友返黎見下，你唔帶返嚟嘅個男人都唔方好，一係就同佢分手跟我去相睇，年紀又唔係細，唔為自己都為下個小朋友！唔聽黎哋講嘅，你生活費就無得再俾！我好口不擇言地講，你哋唔理我我男友都理我啦！有日我試探陳生，問佢如果屋企唔理我，咁會點！佢就話:佢哋唔理，我理，總之唔會俾你餓親！我俾錢你用，最多OT多d，多出嚟嘅錢就俾曬你！我聽到咁，我真係好感動，覺得自己真係無選擇錯！雖然佢唔係俾好多錢我，但我都明白佢，我會體諒！之後見面我都選擇自己買餸食飯煲湯拎出去，因為出面食好小小都會貴，自己煮又健康又慳錢，而且又可以氹佢開心，一舉兩得嘅。。。不過其實都係為慳錢嘖

PART 6有一日，陳生俾我嘅感覺好不安，無乜野講，無笑容，唔想講嘢，我知佢有親人過生實會有唔開心，但唔至於失落成咁，我不停問佢係咪有咩事發生？有唔開心記得要同我講，我可以分憂！佢係都話無事，衹覺得攰，唔想講野，叫我唔好亂諗！到中午我wechat佢，發現佢icon相變左黑色，chat佢，同call佢都無反應，我就用whatsapp佢，問佢個wechat咩事，點解無反應，佢就話，唔用wechat喇，轉用whatsapp啦，我繼續問佢係咪有咩事發生，佢仍然堅持話無，衹係攰！到夜晚放工佢同我講佢老婆過佐去等佢收工，返到屋企再揾我！我覺得好奇怪，咁突然過去等收工，肯定有d野！嗰一晚我諗左好多假設，成晚無瞓過，等到佢起身返工，我又問多次係咪有咩問題，請講俾我聽，最後佢講:老婆發現佐！因爲嗰日我打俾佢時，佢老婆咁啱係車上，而佢電話咁啱放係波棍位叉電，俾佢老婆見到左我同佢張來電相，即掉低個電話唔出聲，所以當晚又直接過去等佢收工（呢d都係佢講我知，係咪真我就唔知）我問佢咁依家咩情況，打算點做！佢話要扮乖，一段時間唔可以見我，放工要向老婆報告，佢唔想無佐個家，佢要保護個囡，唔想個囡單親！我問佢係咪依家要同我分開？佢話唔係，叫我俾時間佢解決，我問佢需要幾耐，佢話唔知，但發生咁大件事佢唔對我講，而係選擇對我冷淡，不聞不問，接落黎幾日都係如是，淨係一味叫我俾時間佢冷靜，我忍唔住，再發脾氣問佢需要幾耐時間，佢又話唔知，之後我話咁同分開有咩分別，咁不如分開囉！佢又話唔係，又話我認定佢係衰人！之後佢就話叫我忍耐一段時間，過左，丟淡佐會繼續對我好會變返以前咁！ok，又係忍耐，佢話，我同樣每日打俾你，衹係暫時唔見面住，為佐日後好，忍耐一段時間！又話，想對你對又可以對屋企好，俾d時間佢！

PART 710月份真係好開心好幸福嘅月份，過左兩次生日，農曆生日時佢親手整佐個蛋糕俾我，咁對於個廚師嚟講，整蛋糕無難度嘅，但我仍然覺得好開心架！因為以前無試過丫嘛！咁10月底係新曆生日，佢陪我過佐個好開心嘅生日，帶我去海洋公園重返兒童時！剛好嗰陣又搞緊Halloween活動喎，而且俾左個驚喜我，係我手上戴上我最愛嘅皇冠戒指，雖然唔名貴，但係佢親手揀親手戴上嘅，我就中意！但開心嘅時光真係唔會長久架！過完生日後幾日，佢突然同我講，可唔可以俾佢去日本！我一聽到真係火都嚟，因為係9月時佢已經講當時澳門兩日一夜係最後一次，以後絕對唔會再去！大家睇到呢度肯定諗我做乜咁衰咁霸道連旅行都唔俾佢去喇！事緣係咁，有一次佢激嬲我，求我原諒，問我需要做點做我先會安心，開心同佢繼續，我就話唔可以陪佢去旅行，如果陪佢去，都要陪我去，佢又舉手發誓話一定會做到！所講9月份時佐去，我妥協係因為聽佢講話去完返嚟會更好，話為我哋以後好先去，我先妥協！而呢次仲話飛日本幾日添，生絕對唔會妥協，講過嘅野就一定要做到，做唔到又要講嘅，即係呃人！所以我唔睬佢，而佢就一直係咁打電話，留口訊俾我，我全日都無睬佢！直到第二日，佢同樣不停打電話，於是生表明立場，一係分手，一係唔去！佢就話佢唔去，無論點都唔會去，死都唔會去，叫我原諒佢，唔好分手，唔可以無左我！又喺呢d說說，又係咁樣最後又係無事，而且，佢仲安排埋一週年點樣過，連行程都講埋，話我知佢有用心對我，叫我俾機會佢繼續對我好！我為佐更安定自己個心。就問佢，個fb係我電話登入有冇問題，佢好爽快應承左！亦俾我知道更多野，之前話瞓教，原來係扮瞓，實情係出佐去，但已過去，我亦無同佢計較，佢承諾以後唔會再呃我！

PART 8生活中我都好注意佢健康上嘅問題，留意到陳生嘅咳都已經有一段時間，咁我就問佢到底有冇去睇醫生食藥架，佢話已經好翻好多，食下川貝枇杷膏就得喇，咁我叫佢咳就小食d煙，最好就連煙都戒埋啦！健康著想，少食係好嘅！陳生就話自己食左好多年煙，要戒真係好難，咁我就諗諗計，對陳生講，嗱，以後如果你係我面前食煙即係代表唔愛我，你諗清楚喇！佢就話我點可以溝埋黎講，話我打橫黎！咁我就教佢蒸橙食，放小小鹽落去，可以止咳化痰！我覺得咁都仲未夠，於是上網search下有咩湯水可以有幫助，睇到杏汁豬肺湯係最好嘅！咁我就問佢邊日得閒出黎，定好時間我就一早起身去街市買豬肺，媽咪話靚豬肺要晨咁早去買先靚，我好勤力六點鐘就走去街市買肺，買唔難，原來洗先撲街，又要洗到變白色嗰下先難到撲街，又上youtube揾片學洗肺，不停灌水入去，一邊灌一邊翻d水出嚟，個過程真係超核突，但為佐佢，點都要做架喇！淨個肺都洗佐我大半日，洗定，過完水放翻入冰箱留黎第二朝煲！南北杏磨成糊等湯快好時加入，呢日又大顯身手，將上網學煮嘅餸都整，咖喱牛腩，薯容餅，對我黎講係好有難度架！因為平時唔使我整架！咁整好就拎出去同佢匯合，佢讚先整得好味，湯好香好飲，壺湯佢都飲曬，我都好安慰嘅！好啦，食完飯，佢對我講，可唔可以俾佢食支煙，我即時火起，我講過為左戒煙，係我面前食煙即係唔愛我，加上，佢仲咳緊，啱飲完湯，仲話食煙，我咁辛苦整煲湯佢爲乜丫。。。於是火爆執野走人，唔想同佢講野！佢就一直跟住我，同我講對唔住仲話丟佐包煙，但我仲好火滾，叫佢走，唔想見到佢，搶返佢手上嘅保溫瓶，話我要返屋企，唔想見到佢！佢用好無辜嘅眼神望住我，問我，你係咪要咁絕，我回答我要返屋企，佢再問我係咪要咁絕，我再講我要返屋企，佢又問我係咪要咁絕，我話係丫，我要翻屋企丫！講完，佢跟住我後面行走，行到好似無魂魄嘅人咁，似神遊！眼無目光，呆曬咁行，我feel到有d唔對路，停左落嚟，但佢依然繼續慢慢遊行咁！真係唔對路，咁我路前去拉停佢，問佢做乜，叫佢停低，但佢好兇狠咁講左句，你要咁絕丫嘛，好丫，咪拉我，咪阻我，我死俾你睇！嚇到我手都震，我拉住佢叫佢冷靜d，唔好衝動，點知追到去扶手電梯時，佢差d推左我落去，好彩我拉實佐佢件衫同扶手，一直追左佢幾條街，佢根本變佐第個人咁，失曬控，不停推開我，我追佢追到喘唔過氣，想嘔。但佢仲係唔停，我用盡我全力，將佢拉入條小路度叫佢停低好好傾，點知佢好似癡佐癡咁扯住我件衫往後推，仲講，你咒我全家過唔過2016丫嘛，我賤格丫，搞9你，我係撲街黎架，我依家死鬼佢還俾你！當時佢真係整到我好痛，跟住佢又不停係咁行，我唯有講，你再唔停低好好同我傾我就跟住你行返屋企！佢終於停低佐，我地坐低佐，我已經無曬力，而左手俾佐拗到好痛，坐低無而我就忍唔住係咁喊，問佢點解要咁樣，點解唔冷靜d，點解要咁對我。。。佢沉默，攬住我係咁講對唔住。。。

12月份係個好開心嘅一個月，因為聖誕節陳生會陪我去睇小豬演唱會，呢個係一年前佢對我許下嘅承諾，佢兌現了！咁12月底係陳生嘅生日，我知道佢嘅dream car係GTR R35，真車我就無能力幫佢實現喇，於是托朋友幚手揾架1:18嘅模型車翻嚟！月頭就開始諗定點同佢搞呢個生日，俾個驚喜佢！係咁上淘寶揾d裝飾物品啦，因為淘寶送貨慢，一定要早早準備好先得，唔想到嗰日有乜甩漏！裝飾諗掂左喇，就到蛋糕，當然都係自己整啦，但都有請槍手幫忙嘅！到陳生生日，我試探佢幾點走得，因為我要提前過酒店怖置場地，俾驚喜佢！我提早左2個鐘出去，但原來兩個鐘都係唔夠架！因為佢到佐附近時我先整好左一大半，於是打電話講佢知我要遲小小，叫佢揾個地方坐低等我！一等就要佢等佐一個鐘，text佢位置，到門口又text佢帶眼罩，我放生日歌再開門，拖佢手，帶佢到蠟燭心前面，叫佢除低眼罩！佢除低眼罩嗰下講左句，嘩，你傻佐丫，洗唔洗咁誇張丫？呢個反應並唔係我想要嘅，但佢生日，我唔想掃興，但佢都即講佐句:BB多謝你丫，我愛你呀！！！雖然準備嘅時間用佐幾個鐘，而欣賞嘅時間衹係幾分鐘，但我都覺得係值得嘅，因為我俾佐第二次美好嘅回憶佢！但過完生日後，我心情一直都好差，佢每次打電話俾我我都唔想講話，即使我冇咩嘢講，佢仲好有耐性咁同我傾，一直傾到佢返到屋企先收線！其實我係好掛住佢，好想見佢嘅，但又唔敢提出，好驚又因為呢d問題又嘈交，所以每日都忍住，佢問都要忍住唔講，忍到喊都唔講！即使我每日都好冷淡，佢仍然每打一個電話都會關心我嘅身體狀況，叮囑我吃飯，怕我又胃痛，又擔心我頭痛，這方面他真的做得好好！佢同我講十一號佢放假，叫我出去，我聽到咁當然好開心啦！咁到左下午嗰陣佢又同我講夜晚要過佢老婆外家食飯，咁去咪去囉，唔通我唔俾佢去咩！雖然我都係唔咁開心，但都無辦法阻止！咁成晚佢text我我都係一句起兩句止嘅！到佢食完飯返到屋企已經十一點幾，佢習慣沖涼都會先打電話俾我先嘅，咁我聽電話嘅語氣就唔太好，最好就不愉快地收線啦！半個鐘後佢又wechat我話我知佢要訓喇，講完love you就去瞓啦！其實佢係咪忘記佐我有d嬲佢呢，點解若無其事咁去瞓嘅？一月九號嘅早上，佢就whatsapp話我知佢wechat上唔到，update之後就話佢換左新手機上，需要認證！（係佢講的，我唔知真假）咁我就無乜理佢，到下午佢又打俾我，終於問我咩事喇，咁我就將我嘅諗法講俾佢知，點知講完，佢居然發我脾氣，但又係佢自己問我嘅，而我講完，佢唔啱聽就調轉發我脾氣！又，係佢自己話有問題拎出嚟傾，解決！依家佢就係度發脾氣，好，唔開心咁收線！到佐夜晚，佢突然一句彈過嚟:好丫，你既然真係做出左！我完全R爆頭唔知佢乜意思，再請佢講清楚！佢話佢老婆又發現左，睇到佐我facebook上嘅兩張相，走左。。。。

#2015-11-02---2017-01-10正式告別呢段錯的關繫9號晚佢突然whatsapp我，話我既然做出佐，我一頭霧水完全唔明陳生講乜！再問佢，佢話佢老婆見到左我facebook上同佢錫住嘅合照，仲係電話度拎俾佢睇，當晚，佢話老婆已經走左，全家亦已經知道，佢同我講佢都係佢家人面前離開左屋企，仲影左張係的士上嘅相俾我！我問佢係邊，出去揾佢！佢直接講，我唔會再見你，亦都唔會再揾你，我哋完！我不停打俾佢，佢唔聽，我已經開始心亂，情緒開始又失控，不停打俾佢，佢不停cut我電話，whatsapp講，乜都無曬喇。無佐個家喇，佢已經走佐喇，無架喇！聽到呢度我真係好心痛，點解完全無諗到我嘅，唔係話無左我唔得咩，唔係話無左我會死咩？點解到老婆發現之後，我係變成最妙小嘅一個嘅？佢又話，你好好生活，我唔會再見你，總之同你完！我再一次問佢係邊，我出去揾佢，佢唔應！我就講，不如你翻屋企啦，佢話無面見屋企人，我又講，我認係衰人，你返去同屋企人講係我死纏爛打，威脅你，你先甩唔到身丫！佢講，我求下你唔好咁樣，唔好再刺激我屋企人，佢哋無辜架！個心再一次刀捅咁痛，我呢個時候仲爲佢著想，而佢已將我拋離與佢無關嘅地步！我好諷地講佐句，你依家好落力咁求緊楊小姐咩，佢話絕對唔會求佢。佢已經走左！而我好肯定地講，你老婆一定會返屋企，一定唔會同你離婚！我再繼續打佢電話，大概淩晨三點幾吧，我又繼續打，最後，佢將我兩個電話都block曬，我已經完全揾唔到佢！但佢忘記佐一件事，我電話登錄佐佢嘅facebook，於是我上去望下佢老婆facebook乜情況，icon相無左，近照無左，結婚相無曬，但反而係陳生從無追蹤佢變成優先睇佢！呢個時候我cap低曬佢所有好友名單，第二日係facebook開post放同佢嘅相，同經歷，仲send佐同佢嘅相俾佢老婆，當然佢老婆立即block我啦！係夜晚，佢可能記返起facebook我有PW，就改佐喇，可惜太遲，我已經cap低曬！之後我再開另一個電話NO.去望佢whatsapp online時間，幾乎每晚都好夜仲online，咁證明佢仲未氹掂個老婆返去，直到幾日後，發現佢whatsapp消失佐，打過去係未登記用戶，即係佢已經氹掂個老婆，而等我無辦法再揾佢！但其實我又知佢住邊，係邊層，邊間屋，又知佢係邊度返工，我係要揾，根本唔需要電話，但我唔會再俾自己挪格黎丟令自己冇面又冇尊嚴！所以1-15號晚，我寫好一篇文章之後，開始行動add佢嘅facebook好友，佢又傻，facebook好友係公開嘅，而且又無block我，我就先add佢身邊嘅親人先，無幾耐，佢facebook馬上停用佐！之後我每日都會寫下野。post下相，一日add小小人，持續左兩個月！有一晚仲傻到走上佢屋企門口影張相放上facebook！到左三月份，我突然好嬲，就將佢佢d私密照故意拍得好蒙咁放佐上facebook，點知係咁俾人檢舉，我知一定係佢或係佢身邊嘅人做！之後我post乜都收到檢舉消息，甚至停用我facebook，不過半日後就開翻俾我！之後我facebook有一個唔係好友嘅人like我同陳生嘅相，仲加我好友，我設左朋友的朋友先可以加我，我無接受，就點入去望下佢乜料，佢老婆個名，但姓就唔係。得一條post，就係講害人扮受傷，仲要話咀咒能死人，你就死千次了！我覺得又係佢嘅！無理，隔幾日又望下佢，佢又寫，他已走遠，過著幸福的生活，你還在原地回憶。未免太天真太傻！睇完我就把火喇！一於用疑問方式去出佢post，點知到夜晚，佢facebook消失了！更知道，嗰個人都係咁加我嘅好友！到夜d，陳生嘅家姐又add我facebook，我即管接受，我入去望完睇見陳生近照，有種心酸感！到第二朝瞓醒，佢家姐又block左我囉喎，咁佢add我嘅用意係咩呢？我唔知。。。好喇，夜晚會經常失眠，突然一位朋友send佐好多圖俾我，圖中嘅男人係陳生，朋友講我聽，原來陳生連skout交友app都玩埋，仲要like過我朋友，資料仲要寫住looking for fun。。。頂。你個撲街玩遇見三年幾仲唔夠，連skout都玩左三年幾！！！當堂火都嚟埋，又令我諗返起一件事，就係有一次睇佢wechat個朋友圈發現有一個上左40歲嘅大嬸嘅裸照及下體自摸視頻，我仲睇到陳生好支持咁去like人哋，我問佢點解要add個咁嘅人，點識嘅，有冇見過，佢話唔記得，之後又話係附近的人！我頂。附近的人咁豪放，食佐都唔知乜事啦！於是我問佢可唔可以delete佢好友，佢好唔情願咁delete佐，於是又唔開心喇！我心諗，一個男人有老婆，有女朋友，點解都仲唔滿足，仲要add呢d人，睇呢d野，我真係完全諗唔明呢種係咩諗法！呢件事就咁完。。再睇翻朋友send嚟嘅野，我真係好火，再一次開佢po，將呢d料放出去，點知放出無幾耐。我facebook又被停用，真係火都嚟，於是我開新嘅，用佢個名開，一次過上傳佢d相同對話，一日內，又俾檢舉，又停左，激撚到我將佢張裸照send俾佢老婆同佢同事，叫轉達，再搞我facebook就公開曬佢d相！當時我真係好嬲，一次又一次咁搞我facebook，搞到我原先facebook無佐，所有囡囡嘅相無佐，我真係好嬲！之後我再開新，繼續po，呢次到佢家姐檢舉，仲發消失息俾我，話我咁做係犯法，講完，就block佐我，隔一陣，連我啱開嘅facebook都停用埋！好可笑，好可悲，一個人做錯，爲佐遮蓋自己所作所為而用家人力量去檢舉我facebook，欺壓我，阻止我將所有真實事件公開，真係好自私，好撲街！我真係堅嬲，堅火滾。。。後嚟朋友提議我係香討開post，衹有咁樣佢哋先無能力阻止我公開任何事。。。最後，我今日分享出嚟係想講，人生錯一次就夠了，唔好再俾自己再錯，女士亦唔好因為失意而選擇錯嘅路，唔好太容易去相信一個男人所謂嘅承諾，懂得保護自己和愛惜自己，唔好將自己搞到遍體鱗傷先知錯！多謝咁用來睇完呢個post嘅網友，多謝支持我，同鬧我嘅朋友，支持我嘅人會給予我鼓勵，勇敢，鬧我嘅人會激發我成長！多謝曬

佢家姐話我犯法...

唔知大家又點睇?