當初是在當日買的 即是我中左果日..買左4注

  我是上網投注的..就是下午1點左右吧..

投注完就照平常咁打機..打打下..

個電腦"芒"壞左開唔到=.=

之後我同女朋友講左句...:如果今日中左六合彩 我即刻打爆個"芒"

到左夜晚..出去食飯..錯過左電視攪珠..所以就打電話去"對"

我聽左之後..最先係有D驚..

因為我買呢張"飛"買左成年..唔知今日有冇買..

仲有一個因素..以為自己打左去自己投注戶口Check番投注記錄..

我對左5次..!! 打 1835288 對左5次.. 打1818(Check番投注記錄)又5次..

第3次我好大力咁拍張電腦台,好大聲咁講:"中呀!!!"

我女朋友呆左咁望住我望左幾秒..問我係唔係真..

之後攪左好耐..因為打去登記個號碼已經過左服務時間..所以要等到聽日

我仲特登打番公司請左半日假..(當然,我冇講我中六合彩)

記得果日係星期四...我女朋友果晚成晚訓唔著,不過我就拍一聲訓左=.=

到左第2日星期五..打左去登記了..

不過要等2日工作天先收到錢呢^^

電話中的工作人員收線時講左一句 : 恭喜曬先生 , 羸多D.."

我答左佢一句 : 羸夠了... 

到了星期二..終於收到錢了..戶口顯示左出來了^^

之後打去馬會叫佢地將所有錢轉去我銀行戶口呢..

馬會過數銀行要等3日點知出事了..

我一次將1400萬過了銀行..但銀行不接受..原來我地依家用緊果D普通戶口..

每次過數最多999萬9千9百99，唔可以超過1000萬所以又彈回到馬會戶口 又要等3日..

再打去過數去銀行..又要3日呢次我叻仔,先過850萬,所以..

搞搞下搞左2個星期先收到曬D錢  

最後 我把我電腦個"芒"扔了..

-----------------------------------------------------------------

2009年，也就是他中獎一年後，這個廿二歲的年青人的感想：

中了頭獎差不多一年..覺得時間過得好慢..

人都改變了不少..(我相信很多人如果好似我咁..

都會心諗:嘩..比我一定買名牌..買野買野係咁買野)還有..

有朋友對我說..比著我係你..我飛左自己條女..

去老蘭(蘭貴坊)溝靚女啦..其實當你有呢筆錢之後..

你就不覺得是什麼了..名牌..

我當然有買..但都祇不過是哄自己開心獎勵下自己..

如果大家有機會中到頭獎..請不要給金錢蒙蔽了自己的心..

我個人比較喜歡食..大多數都係洗左響食果方面到..

以前出街食野..睇睇個餐牌..好貴wor,叫第二樣野食啦..

依家...200蚊一隻蝦我都照叫(仲要冇睇價錢,想食即叫)人改變了不少..

我自己都覺得自己"串"左..都唔係話串左既..

係個人唔可以比人睇死既感覺..

果日打去CWB一家人食日本放題..BOOK 13位..

但祇係得10人房同24人房..

我問接線生:咁10人房坐13個OK嘛?佢叫我多出黎果3個坐大脾喎..

我即刻小左佢一能..我老老實實講句 我都買左兩層樓..

一層比屋企人..一層自己住..

依家我身家祇剩下頭獎彩金的4分1左右..

好多人問我..生活點..D錢點用?用左響邊?我分左四份..

一份自己；一份女朋友；兩份屋企人..仲有..生活好苦悶..

日日訓教打機聽歌..如果大家有機會中到六合彩頭獎..請不要給金錢蒙蔽了自己的心..

今天，他接近三十歲了，並且已經結婚和有一個兒子，但是他的老婆並不是文章中的那位女朋友

文章來源